“Автоимпекс” ХК-ийн 1991-1993 онуудад Азийн хөгжлийн банк болон Дэлхийн банкны санхүүжилтээр Сангийн яамаар дамжуулан авсан зээлийн төлбөр болох шүүхийн шийдвэрээр тогтоосон нийт 5 тэрбум 130 сая орчим төгрөгийн өрийг барагдуулахаар шүүхийн шийдвэр гүйцэтгэх үйл ажиллагаа явагдаж байгаа билээ. Энэхүү ажиллагааны хүрээнд “Автоимпекс” ХК-ийн эзэмших эрх бүхий газар, түүн дээрх барилга байгууламжуудыг Нийслэлийн Шүүхийн шийдвэр гүйцэтгэх газрын томилсон Файн Эстимэйт ХХК-ийн шинжээчит 35 тэрбум 780 сая орчим төгрөгөөр үнэлсэн. Улмаар Нийслэлийн шүүхийн шийдвэр гүйцэтгэх газраас эхний шатны дуудлага худалдаа энэ үнэлгээний 70% буюу 25 тэрбум орчим төгрөгөөс эхлэн үнийн санал авч худалдан борлуулахаар дуудлага худалдаанд 2025 оны 10 дугаар сарын 17-ны өдөр зохион байгуулсан боловч энэхүү дуудлага худалдаанд ямар нэгэн үнийн санал ирээгүй болно. Дараагийн шатны дуудлага худалдаа Шүүхийн шийдвэр гүйцэтгэх тухай хуулийн дагуу 30 хоногийн дотор зохион байгуулагдана